ការសន្ទនារវាងណាវី និងបូណា

 ការទៅលេងបុណ្យចូលឆ្នាំខ្មែរ នៅទីក្រុងឡូវែល រដ្ឋម៉ាសាឈូសិត

ណាវី: សួស្ដីឆ្នាំថ្មី បូណា។

បូណា: សួស្ដីឆ្នាំថ្មី ណាវី។

ណាវី: បូណា! តើឯងបានទៅលេងបុណ្យចូលឆ្នាំខ្មែរ នៅទីក្រុងឡូវែល រដ្ឋម៉ាសាឈូសិតទេ?

បូណា: បាទ! ខ្ញុំបានទៅហើយ។ គួរឱ្យចាប់អារម្មណ៍ណាស់។

ណាវី: ពិតមែនឬ? តើមានសកម្មភាពអ្វីខ្លះដែលឯងបានឃើញ?

បូណា: នៅទីនោះ មានលេងល្បែងប្រជាប្រិយ ដូចជាលេងឈូង លេងអង្គុញ ទាញព្រ័ត្រ លាក់កន្សែង ដណ្ដើមស្លឹកឈើ។ល។

ណាវី: ស្ដាប់ទៅសប្បាយមែនតើ។ ចុះឯងបានរាំលេងទេ?

បូណា: បាទ! ខ្ញុំបានរាំ ហើយរាំច្រើនបទទៀតផង។

ណាវី: ខ្ញុំចង់ទៅដល់ហើយ។

បូណា: ពិតណាស់ ទៅលេងបុណ្យនៅក្រុងឡូវែល នាំអោយខ្ញុំនឹកដល់ស្រុកខ្មែរណាស់។

ណាវី: សប្បាយជាងគេ គឺបានរាំ បានលេង ហើយចុះបានញ៉ាំម្ហូបខ្មែរទេ?

បូណា: ញ៉ាំ ហើយញ៉ាំច្រើនទៀតផង!

ណាវី: ប្រាប់ខ្ញុំផងមើល បានញ៉ាំម្ហូបអីខ្លះ?

បូណា: ខ្ញុំមានសាច់គោអាំង មានគុយទាវ ដល់រសៀលបន្ដិចញ៉ាំនំបញ្ចុកទៀត។ ទីក្រុងឡូវែលសំបូរម្ហូបខ្មេរណាស់ ចង់ញ៉ាំអីក៏មានដែរ។

ណាវី: គ្រាន់តែស្ដាប់បូណាឯងរ៉ាយរ៉ាប់ក៏ចង់ទៅឃើញដែរ។

បូណា: បាទ! មានមនុស្សម្នាច្រើនណាស់ ចូលរួមលេងកម្សាន្ដ។

ណាវី: បូណាឯងសំណាងហើយ បានទៅលេងចូលឆ្នាំនៅក្រុងឡូវែល។

បូណា: តែខ្ញុំរាងឈឺខ្នងបន្តិច ព្រោះត្រូវគេវាយពេលលេងលាក់កន្សែង ហើយជង្គង់ក៏ឈឺដែរ ដោយសារត្រូវគេជុស។

ណាវី: កុំតំអូញពេក វាគង់តែប៉ុន្មានថ្ងៃទៀតលែងឈឺហើយ។

បូណា: សង្ឃឹមអីចឹងចុះ។ ខ្ញុំនៅតែចង់ទៅលេងឡូវែលទៀត។

ណាវី: បើទៅលើកក្រោយ កុំភ្លេចនាំខ្ញុំទៅផងណា៎។

បូណា: បាទ លើកក្រោយ ខ្ញុំនឹងនាំណាវីទៅជាមួយ។

Khmer New Year 2025

 1. Read the sentences below, then translate them.

2. Translate all the red words into English.

3. Create a new sentence using the red words.

១. តោះយើងនាំគ្នាទៅវត្ត។

២. យើងទៅលេងបុណ្យចូលឆ្នាំខ្មែរនៅវត្តអង្គរ។

៣. ខ្ញុំយកផ្លែឈើទៅវត្ត ដើម្បីប្រគេនព្រះសង្ឃ។

៤. ថ្ងៃនេះខ្ញុំទៅវត្តជាមួយប៉ាម៉ាក់របស់ខ្ញុំ។

៥. យាយសុខ និងតាសៅធ្វើម្ហូបទៅវត្ត។

 

៦. បូណា និងណាវីទៅលេងចូលឆ្នាំនៅសួនច្បារប៉ៃលិន។

៧. ខ្មែរនៅទីក្រុងឡូវែលចូលឆ្នាំនៅថ្ងៃទី១៩ ខែមេសា ឆ្នាំ២០២៥ នៅសួនច្បារប៉ៃលិន។

៨. បូណាទិញសម្លៀកបំពាក់ថ្មីសម្រាប់ពាក់នៅថ្ងៃចូលឆ្នាំ។

៩. ចូលឆ្នាំខ្មែរយើងនាំគ្នាទៅលេងវត្តអង្គរនៅទីក្រុងឡូវែល។

១០. យើងជាជនជាតិខ្មែរ យើងនាំគ្នាប្រារព្ធពិធីបុណ្យចូលឆ្នាំខ្មែរ។

 

១១. ខ្ញុំបានទៅវត្តនៅថ្ងៃចូលឆ្នាំទី១ ហើយថ្ងៃស្អែកខ្ញុំនឹងទៅវត្តទៀត។

១២. នៅវត្តមានម្ហូបខ្មែរច្រើនណាស់។

១៣. ណាវីស្លៀកពាក់សម្លៀកបំពាក់ប្រពៃណីខ្មែរ មើលទៅស្រស់ស្អាតណាស់។

១៤. យើងនាំគ្នារាំលេងនៅថ្ងៃចូលឆ្នាំខ្មែរ។

១៥. យើងនាំគ្នាលេងល្បែងប្រជាប្រិយយ៉ាងរីករាយនៅថ្ងៃចូលឆ្នាំខ្មែរ។

 

១៦. យើងលេងឈូង លេងអង្គុញ លាក់កន្សែង សប្បាយណាស់។

១៧. យើងធ្វើបុណ្យចូលឆ្នាំមួយឆ្នាំម្ដង។

១៨. ម៉ែរៀបចំធូបទៀន ផ្កាភ្ញីទទួលទេវតាឆ្នាំថ្មី។

១៩. យាយសុខរៀបចំផ្លែឈើទទួលទេវតាឆ្នាំថ្មី។

២០. យើងរីករាយឆ្នាំថ្មីទាំងអស់គ្នា។ សួស្ដីឆ្នាំថ្មី។

ពាក្យដែលសរសេរជាមួយនឹងសញ្ញាបន្តក់មួយ

 

ពាក្យដែលសរសេរជាមួយនឹងសញ្ញាបន្តក់មួយមាន៖

កក           កក់

កង           កង់

កល          កល់

កាក          កាក់

កាច          កាច់

កាត          កាត់

កប           កប់

កញ្ចក       កញ្ចក់

កន្លង        កន្លង់

កាប          កាប់

កាន          កាន់

កាល         កាល់

ក្រង          ក្រង់

ខាត          ខាត់

ខាប          ខាប់

ខាល         ខាល់

ខ្ជាក          ខ្ជាក់

គក           គក់

គង           គង់

ចង           ចង់

ចាប          ចាប់

ចាន          ចាន់

ច្រក          ច្រក់

ជន           ជន់

ឈប         ឈប់

ដក           ដក់

ដប           ដប់

ដាច          ដាច់

ដាប          ដាប់

តាន          តាន់

ត្រង          ត្រង់

ថង           ថង់

ទក           ទក់

ទង           ទង់

ទាក          ទាក់

បក           បក់

បង           បង់

បន           បន់

បាត          បាត់

ផង           ផង់

ពាន          ពាន់

ពាល         ពាល់

មាន          មាន់

រង             រង់

រត             រត់

រមាស        រមាស់

រាក           រាក់

រាប           រាប់

លក          លក់

លង          លង់

លប          លប់

លាប         លាប់

លាន         លាន់

វក             វក់

វាត           វាត់

សក          សក់

សង          សង់

សាក         សាក់

សាប         សាប់

ប្រាសាទអង្គរវត្ត

 

ប្រាសាទអង្គរវត្ត គឺជាប្រាសាទបុរាណដ៏ធំ និងស្រស់ស្អាត ស្ថិតនៅក្នុងខេត្តសៀមរាបនៃប្រទេសកម្ពុជា។ ប្រាសាទនេះត្រូវបានសាងសង់ឡើងដោយព្រះបាទសូរ្យវរ្ម័នទី២ នៅដើមសតវត្សទី១២ (ឆ្នាំ១១២២) ដែលកាលនោះអាណាចក្រខ្មែរគឺជាចក្រភពមួយ។ ប្រាសាទអង្គរវត្ត គឺជាប្រាសាទដ៏ធំបំផុត នៅក្នុងប្រទេសកម្ពុជា និងពិភពលោក។

ប្រាសាទអង្គរវត្ត មានក្បាច់រចនា និងសិល្បៈដ៏ស្រស់ស្អាត។ ប្រាសាទនេះ ត្រូវបានប្រកាសជាសម្បត្តិបេតិកភណ្ឌពិភពលោក ដោយអង្គការយូណេស្កូ នៅឆ្នាំ១៩៩២។ ប្រាសាទអង្គរវត្ត គឺជាទីតាំងដ៏ល្អបំផុត សម្រាប់មើលថ្ងៃរះ នៅអាស៊ីអាគ្នេយ៍ និងពិភពលោក។

ប្រាសាទអង្គរវត្ត គឺជាទីតាំងប្រវត្តិសាស្ត្រ និងវប្បធម៌ដ៏សំខាន់នៅកម្ពុជា។ ប្រាសាទនេះ ទទួលបានភ្ញៀវទេសចរ ជាច្រើនពីគ្រប់ទិសទី។ ប្រាសាទអង្គរវត្ត គឺជាទីតាំងដ៏អស្ចារ្យ ដែលអ្នកគួរតែទៅទស្សនា នៅពេលអ្នកធ្វើដំណើរទៅប្រទេសកម្ពុជា។

 

Summary

ក. អង្គរវត្ត គឺជាប្រាសាទបុរាណដ៏ធំ និងស្រស់ស្អាត នៅកម្ពុជា

ខ. ប្រាសាទនេះត្រូវបានសាងសង់ឡើងដោយព្រះបាទ សូរ្យវរ្ម័នទី២

នៅដើមសតវត្សទី១២

គ. អង្គរវត្ត គឺជាទីតាំងដ៏ល្អបំផុត សម្រាប់មើលថ្ងៃរះ នៅអាស៊ីអាគ្នេយ៍

 

Key vocabulary words

បុរាណ

Definition: របស់ដែលមានអាយុកាលយូរអង្វែង ឬ បុរាណ

Example: ប្រាសាទអង្គរវត្ត គឺជាប្រាសាទបុរាណដ៏ធំ និង

ស្រស់ស្អាត នៅកម្ពុជា

សាងសង់

Definition: បង្កើត ឬ សាង អ្វីមួយ ដូចជាអគារ ឬ រចនាសម្ព័ន្ធ

Example: ប្រាសាទនេះត្រូវបានសាងសង់ឡើងដោយព្រះបាទ

សូរ្យវរ្ម័នទី២ នៅដើមសតវត្សទី១២

សម្បត្តិបេតិកភណ្ឌ

Definition: របស់ដែលមានតម្លៃ និងសំខាន់ ដែលត្រូវបានការពារ 

និងរក្សាទុក

Example: ប្រាសាទនេះ ត្រូវបានប្រកាសជាសម្បត្តិបេតិកភណ្ឌ

ពិភពលោក ដោយអង្គការយូណេស្កូ នៅឆ្នាំ១៩៩២

ទីតាំង

Definition: កន្លែង ឬ ទីកន្លែង ជាក់លាក់មួយ

Example: ប្រាសាទអង្គរវត្ត គឺជាទីតាំងដ៏ល្អបំផុត សម្រាប់មើល

ថ្ងៃរះនៅអាស៊ីអាគ្នេយ៍ និងពិភពលោក

វប្បធម៌

Definition: ទំនៀមទម្លាប់ និងរបៀបរស់នៅ របស់មនុស្សក្នុង

សង្គមមួយ

Example: ប្រាសាទអង្គរវត្ត គឺជាទីតាំងប្រវត្តិសាស្ត្រ និង

វប្បធម៌ដ៏សំខាន់នៅកម្ពុជា

 

Multiple choice questions

១. ប្រាសាទអង្គរវត្ត ត្រូវបានសាងសង់ឡើងដោយអ្នកណា?

ក. ព្រះបាទ សូរ្យវរ្ម័នទី២

ខ. ព្រះបាទ ជ័យវរ្ម័នទី៧

គ. ព្រះបាទ អង្គរ

ឃ. ព្រះបាទ សុរិយោទ័យ

២. ប្រាសាទអង្គរវត្ត ត្រូវបានប្រកាសជាសម្បត្តិបេតិកភណ្ឌពិភពលោក

ដោយអង្គការអ្វី?

ក. អង្គការសហប្រជាជាតិ

ខ. អង្គការយូណេស្កូ

គ. អង្គការសុខភាពពិភពលោក

ឃ. អង្គការពាណិជ្ជកម្មពិភពលោក

៣. ប្រាសាទអង្គរវត្ត មានទីតាំងនៅទីណា?

ក. ថៃ

ខ. វៀតណាម

គ. កម្ពុជា

ឃ. ឡាវ

 

ការគោរពចាស់ទុំ

The Reading Passage

ការគោរពចាស់ទុំ គឺជារឿងសំខាន់ណាស់នៅក្នុងសង្គមខ្មែរ។ ចាស់ទុំ គឺជាមនុស្សដែលមានអាយុច្រើន ហើយមានបទពិសោធន៍ និងប្រាជ្ញាជីវិតក៏ច្រើនណាស់ដែរ។ ពួកគាត់អាចបង្រៀនយើងអំពីរឿងជាច្រើន ដូចជា វប្បធម៌ ទំនៀមទម្លាប់ ប្រវត្តិសាស្រ្ត និងបំណិនជីវិតដែលគាត់មាន។ ការគោរពចាស់ទុំ យល់ដឹងពីចាស់ទុំ រៀនសូត្រពីចាស់ទុំ ជួយឱ្យយើងក្លាយជាមនុស្សល្អ និងមានសីលធម៌រស់នៅល្អក្នុងសង្គម។

យើងគួរតែស្ដាប់បង្គាប់ចាស់ទុំ និងគោរពពួកគាត់ ព្រោះពួកគាត់ជាអ្នកបង្កើត ឬជាអ្នកបន្តអនុវត្តប្រពៃណី និងវប្បធម៌ តជំនាន់ ដែលជាអត្តសញ្ញាណជាតិរបស់យើង ពួកគាត់ក៏ជាអ្នកធ្វើគំរូល្អដល់យុវជន ជាអ្នករួបរួមសហគមន៍ និងសង្គមមុនយើង។ ការគោរពរបស់យើង នឹងអាចជួយយើងឱ្យជៀសវាងបាននូវកំហុសដោយប្រការណាមួយ។ ការគោរពចាស់ទុំ ជួយឱ្យយើងមានសុភមង្គល និងជីវិតថ្លៃថ្នូរល្អប្រសើរ។

ការគោរពចាស់ទុំ គឺជារឿងសំខាន់ ដែលជួយឱ្យយើងក្លាយជាមនុស្សល្អ និងមានសីលធម៌ ដឹងខុស ដឹងត្រូវ ចេះបែងចែករវាងស និងខ្មៅ ស្គាល់មិត្ត ស្គាល់សត្រូវ។ល។ ការគោរពចាស់ទុំមិនមែនគ្រាន់តែជាកាតព្វកិច្ចទេ ប៉ុន្តែវាជាមូលដ្ឋានសម្រាប់ការរស់នៅប្រកបដោយសុវត្ថិភាព សន្តិភាព និងសេរីភាពក្នុងសង្គម។

Summary

ក. បទពិសោធន៍ និងប្រាជ្ញា – ពួកគាត់មានបទពិសោធន៍ជីវិតច្រើន និងអាចផ្តល់ដំបូន្មានល្អសម្រាប់យើងក្នុងការដោះស្រាយបញ្ហា។

ខ. ប្រពៃណី និងវប្បធម៌ – ពួកគាត់ជាអ្នកបន្តនិងថែរក្សាវប្បធម៌ និងប្រពៃណីល្អរបស់សង្គម។

គ. ការគាំទ្រជីវិត – ចាស់ទុំជាកន្លែងពឹងពាក់របស់យើងក្នុងការនាំដឹកនាំ និងផ្តល់អាណិតអាសូរ។

ឃ. គំរូល្អសម្រាប់យុវជន – ពួកគាត់ជាគំរូល្អសម្រាប់យើងរៀនតាមផ្លូវការរស់នៅ។

ង. ការតបស្នងចំពោះការចិញ្ចឹមបីបាច់ – ពួកគាត់បានថែរក្សាយើងពេលយើងនៅតូច ដូច្នេះយើងមានកាតព្វកិច្ចថែរក្សាពួកគាត់វិញ។

ច. ភាពរួបរួមនៃសហគម និងសង្គម – ការគោរពចាស់ទុំជួយបង្កើនសុភមង្គល និងភាពរួបរួមរវាងសមាជិកសង្គម។

 

Key Vocabulary Words

គោរព  to respect, to honor

Example: យើងគួរតែគោរពចាស់ទុំ និងស្ដាប់បង្គាប់ពួកគេ ដើម្បីឱ្យយើងមានជីវិតល្អ និងមានសុភមង្គល។

ចាស់ទុំ​  elderly people, elders

Example: ការគោរពចាស់ទុំ គឺជារឿងសំខាន់ណាស់ ក្នុងសង្គមខ្មែរ។

បទពិសោធន៍  experience, knowledge gained through life

Example: ចាស់ទុំ គឺជាមនុស្សដែលមានអាយុច្រើន ហើយមានបទពិសោធន៍ជីវិត។

សីលធម៌ morals, ethics, good character

Example: ការគោរពចាស់ទុំ ជួយឱ្យយើងក្លាយជាមនុស្សល្អ និងមានសីលធម៌។

សុភមង្គល  happiness, well-being

Example: ការគោរពចាស់ទុំ ជួយឱ្យយើងមានសុភមង្គល និងជីវិតល្អប្រសើរ។

 

Please choose the correct answer to each question below.

១. តើមានអ្វីខ្លះដែលចាស់ទុំអាចបង្រៀនយើងជាយុវជនជំនាន់ក្រោយ?

ក. ចាស់ទុំអាចបង្រៀនយើងអំពីរបៀបលេងហ្គេម។

ខ. ចាស់ទុំអាចបង្រៀនយើងអំពីរឿងជាច្រើន ដូចជា

វប្បធម៌ និងទំនៀមទម្លាប់។

គ. ចាស់ទុំអាចបង្រៀនយើងអំពីរបៀបប្រើទូរស័ព្ទ។

ឃ. ចាស់ទុំអាចបង្រៀនយើងអំពីរបៀបធ្វើម្ហូប។

 

២. តើការគោរពចាស់ទុំជួយយើងយ៉ាងម៉េច?

ក. ការគោរពចាស់ទុំជួយយើងឱ្យមានមិត្តច្រើន។

ខ. ការគោរពចាស់ទុំជួយយើងឱ្យមានសុខភាពល្អ។

គ. ការគោរពចាស់ទុំជួយយើងឱ្យក្លាយជាមនុស្សល្អ

និងមានសីលធម៌។

ឃ. ការគោរពចាស់ទុំជួយយើងឱ្យមានលុយច្រើន

 

៣. តើហេតុអ្វីយើងគួរតែស្ដាប់បង្គាប់ចាស់ទុំ?

ក. យើងគួរតែស្ដាប់បង្គាប់ចាស់ទុំ ព្រោះពួកគេមានលុយច្រើន។

ខ. យើងគួរតែស្ដាប់បង្គាប់ចាស់ទុំ ព្រោះពួកគេមានអំណាច។

គ. យើងគួរតែស្ដាប់បង្គាប់ចាស់ទុំ ព្រោះពួកគេមានអាយុច្រើន។

ឃ. យើងគួរតែស្ដាប់បង្គាប់ចាស់ទុំ ព្រោះពួកគេមានបទពិសោធន៍ជីវិត

និងអាចជួយយើងឱ្យជៀសវាងកំហុស។

 

Homework K3

 

1. Read the sentences below, then translate them.

2. Translate all the red words into English.

3. Create a new sentence using the red words.

១. នៅអាទិត្យនេះមានភ្លៀងធ្លាក់មិនឈប់ឈរ។

២. តើប្អូនស្គាល់ទន្លេមេគង្គទេ?

៣. តើបឹងទន្លេសាបស្ថិតនៅប្រទេសណា?

៤. បូណានឹងទៅលេងសមុទ្រនៅថ្ងៃសៅរ៍នេះ។

៥. អំបិលទាំងអស់មានរសជាតិប្រៃ។

៦. កុមារតូចៗចូលចិត្តលេងដីខ្សាច់។

៧. បូណាជួយបោសសម្ងាតធូលីនៅផ្ទះយាយសុខ។

៨. ព្រឹកនេះមានពពកច្រើនណាស់នៅលើមេឃ។

៩. បូណាបើកឡានយឺតៗ ព្រោះចុះអ័ព្ទមើលផ្លូវមិនច្បាស់។

១០. យប់នេះមេឃស្រឡះល្អណាស់។

 

១១. តាមការព្យាករណ៍អាកាសធាតុនឹងមានខ្យល់ខ្លាំងនៅថ្ងៃស្អែក។

១២. បូណាចេញទៅឈូសព្រិលនៅមុខផ្ទះ។

១៣. យាយសុខទិញទូរទឹកកកថ្មីធំមួយ។

១៤. ភ្លើងឆេះព្រៃបណ្ដាលអោយមានផ្សែងអួរអាប់។

១៥. ខ្យល់បក់ខ្លាំងបណ្ដាលអោយដាច់ភ្លើង។

១៦. ភ្លើងឆេះព្រៃបណ្ដាលអោយមានកំទេចផេះធ្លាក់ពេញទីក្រុង។

១៧. បូណាដុតភ្លើងអាំងសាច់មិនឆេះទេ។

១៨. ប៉ូលីសបិទផ្លូវទៀតហើយ។

១៩. ខ្ញុំធ្លាប់បានទៅលេងភ្នំគូលេនកាលពីឆ្នាំមុន។

២០. យាយសុខចូលចិត្តពាក់អាវពណ៌ក្រហម។

 

២១. ភ្លើងស្ដុបពណ៌បៃតង មិនមែនពណ៌ខៀវទេ។

២២. ភ្លើងស្តុបពណ៌លឿងហើយ បន្ថយល្បឿនភ្លាម។

២៣. បូណាមានឆ្កែពណ៌ខ្មៅ។

២៤. កាលពីយប់មិញមិនមាននរណាបានគេងទេ។

២៥. ថ្ងៃនេះថ្ងៃរះល្អណាស់។

២៦. បូណាអាយុ២៥ឆ្នាំហើយ។

២៧. យប់នេះក្ដៅស្អុះស្អាប់ណាស់។

២៨. ព្រឹកមិញត្រជាក់ដល់ឆ្អឹង។

២៩. ខ្ញុំចាក់សាងពេញហើយ។

៣០. មានរឿងថ្មីៗជាច្រើនកើតឡើងរៀងរាល់ថ្ងៃ។

 

៣១. តាសៅ និងយាយសុខចាស់ៗណាស់ហើយ។

៣២. លោកគ្រូតែងតែប្ដល់ឱវាទល្អៗដល់សិស្ស។

៣៣. យើងត្រូវចេះបែងចែកល្អ និងអាក្រក់។

៣៤. មនុស្សស្មោះត្រង់មានច្រើនណាស់។

៣៥. ល្ហុងនេះរលួយហើយ កុំញ៉ាំអី។

៣៦. បូណាមុតដៃនឹងកាំបិតកាលពីម្សិលមិញ។

៣៧. តុបាយនៅផ្ទះបូណារលោងស្អាតណាស់។

៣៨. ផ្ទះយាយសុខនៅជិតផ្សារប៉ៃលិន។

៣៩. បូណាទទឹកភ្លៀងជោក។

៤០. ណាវីទិញនំប៉័ងក្រៀមពីផ្សារបាយ័ន។

 

៤១. ផ្ទះរបស់បូណាមិនឆ្ងាយពីមន្ទីរពេទ្យប៉ុន្មានទេ។

៤២. នៅខាងស្តាំដៃខ្ញុំគឺជាការិយាល័យប៉ូលិសទីក្រុងឡូវល។

៤៣. ផ្លូវនេះគេហាមមិនអោយបត់ឆ្វេងទេ។

៤៤. តើបូណានៅផ្ទះទេថ្ងៃស្អែក?

៤៥. ណាវីទុកបង្អែមនៅក្នុងទូរទឹកកពីរថ្ងៃហើយ។

៤៦. បូណាកំពុងញ៉ាំបាយជាមួយតាសៅនៅផ្ទះខ្ញុំ។

៤៧. បូណានឹងនាំតាសៅទៅផ្ទះវិញ។

៤៨. បើបូណាមិនទៅផ្ទះតាសៅក៏មិនអាចទៅបានដែរ។

៤៩. បូណានាំតាសៅទៅពេទ្យ ពីព្រោះគាត់ឈឺពោះខ្លាំង។

៥០. ខ្ញុំឈ្មោះបូណា ឯគាត់ឈ្មោះណាវី។

 

៥១ ជំរាបសួរលោកគ្រូ។

៥២ ខ្ញុំសូមអរគុណលោកគ្រូ ដែលបានជួយបង្ហាត់បង្រៀនខ្ញុំ។

៥៣ ថ្ងៃនេះណាវីសប្បាយចិត្តជាងសព្វដង ព្រោះនាងប្រលងជាប់។

៥៤ សូមទោសលោកគ្រូ ដែលខ្ញុំមកយឺត។

៥៥ បូណាយល់ព្រមទៅទទួលសំណងពីតារា។

៥៦ ខ្ញុំលាហើយណាបូណា។

៥៧ បូណាណាត់ជួបណាវីនៅភោជនីយដ្ឋានកុលាបក្រហម។

៥៨ បូណាចូលចិត្តញ៉ាំអាហារនៅភោជនីយដ្ឋានកុលាបក្រហម។

៥៩ ណាវីឃ្លានហើយ នាងចង់ញ៉ាំគុយទាវ។

៦០ បូណាឈប់ផឹកកាហ្វេយូរដែរហើយ។

 

៦១ តាសៅមានលុយចាយច្រើន។

៦២ តើក្នុងហោប៉ៅខោរបស់បូណាមានលុយប៉ុន្មាន?

៦៣ កាហ្វេមួយកែវនេះថ្លៃប៉ុន្មាន?

៦៤ សមាជិកគ្រួសារបូណាមានគ្នា៥នាក់។

៦៥ តាសៅ និងយាយសុខមិនមែនជាបងប្អូននឹងគ្នាទេ។

៦៦ តាសៅមានចៅបីនាក់។

៦៧ យាយសុខគឺជាមីងរបស់តារា។

៦៨ តារាត្រូវជាបងប្អូនជីដូនមួយរបស់ណាវី។

៦៩ ណាវីមានម៉ូតូធំមួយ។

៧០ តារាទើបតែទិញរថយន្ដថ្មីកាលពីអាទិត្យមុន។

 

៧១ តាសៅជិះកង់ហាត់ប្រាណតាមមាត់ស្ទឹង។

៧២ មានភេសជ្ជៈច្រើនមុខណាស់នៅលើតុបាយ។

៧៣ យាយសុខផឹកទឹកក្ដៅរាល់ថ្ងៃ។

៧៤ ជនជាតិចិននិយមផឹកទឹកតែ។

៧៥ តើបូណាឯងឈប់ញៀនកាហ្វេហើយនៅ?

៧៦ ណាវីទៅផ្សារទិញម្ហូប។

៧៧ យាយសុខឆ្លងជំងឺផ្ដាសាយពីតាសៅ។

៧៨ បង្គន់ក្នុងសាលារៀនខូចទាំងអស់។

៧៩ ញ៉ាំគុយទាវនៅហាងខ្មែរឆ្ងាញ់ណាស់។

៨០ រឿងនេះចប់ដោយបរិបូណ៍។

 

៨១ បូណារាប់អានណាវីតាំងពីកុមារម្ល៉េះ។

៨២ ណាវីត្រូវបានគេបញ្ឆោតអោយទៅទទួលទំនិញនៅមុខផ្សារប៉ៃលិន។

៨៣ ចំណេះវិជ្ជាជាសម្បត្តិដ៏មានតម្លៃបំផុត។

៨៤ បូណាស្រឡាញ់ឡានតូចរបស់វាណាស់។

៨៥ ដៃរបស់បូណាមុតកាំបិតកាលពីម្សិលមិញ។

៨៦ ណាវីជួលផ្ទះយាយសៅនៅជាងពីរខែហើយ។

៨៧ បូណាជួយដឹកសៀវភៅរបស់ណាវី។

៨៨ រៀនគណិតវិទ្យាពិបាកគណនាលេខណាស់។

៨៩ ក្រុមរបស់ណាវីដណ្ដើមបានលេខមួយផ្នែកបាល់ទះនារី។

៩០ តាសៅសើចយាយសុខដើរដួល។

 

៩១ យប់មិញតារាមិនបានយកភួយទៅដណ្ដប់ទេ។

៩២ ក្រុមតន្រ្តីមហោរីខ្មែរ ជាក្រុមតន្រ្តីពេញនិយម

នៅទីក្រុងឡូវែល។

៩៣ មានតែខ្មែរទេ ដែលស្រឡាញ់ខ្មែរជាងគេ។

៩៤ លោកគ្រូតែងតែដាស់តឿនអោយយើងខំរៀនសូត្រ។

៩៥ តារាបានបង្ហាញប័ណ្ណបើកបរទៅប៉ូលីស។

៩៦ យាយសុខចូលចិត្តពិសារម្ហូបហឹរ។

៩៧ ប៉ូលីសបានធ្វើសកម្មភាពឆែកឡានតាមផ្លូវ។

៩៨ ភាសាអង់គ្លេសត្រូវបានប្រើប្រាស់ជាសាកល។

៩៩ ផ្កាចេកទុំមានគន្ធពិដោរឈ្ងុយឈ្ងប់។

១០០ បូណាធ្លាប់ធ្វើការងារជាអ្នកគ្រប់គ្រងឃ្លាំងទំនិញ។

 

១០១ យាយសុខកើតជម្ងឺពោះវៀនដុះខ្នែង។

១០២ តាសៅធ្លាប់ព្យាបាលជម្ងឺឈឺខ្នង។

១០៣ កម្ពុជាជាប្រទេសតូចតែមានបេះដូងធំ។

១០៤ បូណាចូលចិត្តបបរគ្រឿងមានដាក់ថ្លើមជ្រូក។

១០៥ បូណាមិនចេះផឹកទឹកក្រូចទេ។

១០៦ តារាចូលចិត្តញ៉ាំផាក់ឡូវ និងខពងទា។

១០៧ ឆ្កែនេះកាចណាស់ ប្រយ័ត្នវាខាំ។

១០៨ តារាជញ្ជក់ខ្យង។

១០៩ យប់នេះព្រះចន្ទរះមូលក្រឡង់។

១១០ កុំញ៉ាំច្រើនពេកប្រយ័ត្នក្អូត។

 

១១១ បើមិនចង់លង់ទឹកត្រូវរៀនហែលទឹក។

១១២ ឃ្មុំចូលចិត្តក្រេបលម្អងផ្កា។

១១៣ យាយសុខកំពុងញ៉ាំចង្រិតលីង។

១១៤ បូណាទើបតែទិញអាវរងាទុកពាក់នៅខែត្រជាក់។

១១៥ តារារស់នៅរដ្ឋម៉ាសាឈូហ្សិត។

១១៦ តើមានលក្ខខណ្ឌអ្វីខ្លះទើបអាចប្រឡងភាសាខ្មែរបាន?

១១៧ សាលារៀនមានលក់ឡាយឡុងសម្ភារ:សិក្សាច្រើនណាស់។

១១៨ ផ្លែឪឡឹកនេះធំៗល្អណាស់។

១១៩ ប្អូនជីដូនមួយណាវីទៅរៀននៅសាលាឯកជន។

១២០ ការបង់ពន្ធជាកាតព្វកិច្ចរបស់ពលរដ្ឋ។

១២១ ឡានរបស់បូណាខូចចង្កូតហើយ។

១២២ តើមាននរណានៅផ្ទះទេ?

១២៣ លីណាចិញ្ចឹមឆ្កែបីក្បាល។

១២៤ តើមាននរណាចង់ទៅផ្សារជាមួយខ្ញុំទេ?

១២៥ យាយសុខទិញព្រំពីផ្សារមេឃបានស្អាតណាស់។

១២៦ ធម្មជាតិនៅស្រុកខ្មែរមានពណ៌បៃតងគ្រប់រដូវ។

១២៧ នៅប្រទេសកម្ពុជាធ្លាប់មានរដ្ឋប្រហារកាលពីឆ្នាំ១៩៧០។

១២៨ បូណាយកប្អូនរបស់វាទៅចាក់វ៉ាក់សាំងការពារជម្ងឺកញ្រ្ជឹល។

១២៩ តាសៅឈឺក្រពះមួយឆ្នាំហើយ គាត់មិនពិសារម្ហូបហឹរទេ។

១៣០ ប្រធានាធិបតីអ៊ុយក្រែនបានជជែកជាមួយដូណាល់ត្រាំ។

១៣១ ជញ្ជីងនៅមន្ទីរពេទ្យខូចហើយ។

១៣២ ក្នុងរដ្ឋធម្មនុញ្ញ កម្ពុជាជារដ្ឋអធិបតេយ្យមួយ។

១៣៣ យុវតីជំនាន់សង្គមរាស្រ្តនិយមក្លាហានណាស់។

១៣៤ តើរាងរបស់បូណាសង្ហាទេ?

១៣៥ តើនៅប្រទេសអាមេរិកមានប៉ុន្មានរដូវ?

១៣៦ តើសត្វទីទុយស៊ីអ្វីជាចំណី?

១៣៧ បូណាតែងតែទៅលេងផ្ទះណាវីជាធម្មតា។

១៣៨ ភ្នំពេញគឺជារដ្ឋធានីនៃប្រទេសកម្ពុជា?

១៣៩ ណាវីរៀនរាំរបាំនៅអង្គរដានត្រុប។

១៤០ តើរូបហនុមានតំណាងអោយអ្វី?