1. Read the sentences below, then translate them.
2. Translate all the red words into English.
3. Create a new sentence using the red words.
១. អ្នកលក់ – យាយសុខជាអ្នកលក់ផ្លែឈើនៅផ្សារប៉ៃលិន។
២. វិចិត្រករ – វិចិត្រករគូររូបអប្សរាដ៏ស្អាតលើផ្ទាំងកំណាត់ដ៏ធំមួយផ្ទាំង។
៣. អ្នកលេងសៀក – អ្នកលេងសៀកបានបង្ហាញពីល្បិចដ៏អស្ចារ្យក្នុងពិធីប្រកួតលេងសៀកប្រចាំឆ្នាំ។
៤. ចុងភៅ – ចុងភៅកំពុងចម្អិនម្ហូបពិសេសសម្រាប់ភ្ញៀវប្រាំនាក់។
៥. គ្រូបង្វឹក – គ្រូបង្វឹកណែនាំកីឡាករឱ្យហ្វឹកហាត់ប្រើដៃ និងជើងអោយបានរហ័សជាងមុន។
៦. អ្នកច្នៃម៉ូត – ម៉ែរបស់ណាវីគឺជាអ្នកច្នៃម៉ូតសម្លៀកបំពាក់ថ្មីសម្រាប់ពួកតារា។
៧. បណ្ណារក្ស – បណ្ណារក្សបានជួយបូណាដើម្បីស្វែងរកសៀវភៅភាសាខ្មែរក្នុងបណ្ណាល័យ។
៨. អ្នកបើកឡានក្រុង – អ្នកបើកឡានក្រុងបើកបរឡានយ៉ាងប្រុងប្រយ័ត្នក្នុងទីក្រុងដ៏ចង្អៀត។
៩. បុគ្គលិក – បូណាចូលធ្វើការងារ
ជាបុគ្គលិកទទួលភ្ញៀវនៅសណ្ឋាគាររ៉ូយ៉ាល់។
១០. អ្នកនាំភ្ញៀវ – អ្នកនាំភ្ញៀវ
បាននាំភ្ញៀវបរទេសទៅទស្សនាប្រាសាទអង្គរវត្ត។
១១. កីឡាករហែលទឹក – កីឡាករហែលទឹកខ្មែរយើង
បានឈ្នះមេដាយមាសក្នុងការប្រកួតកីឡាស៊ីហ្គេម។
១២. អ្នកផ្សព្វផ្សាយ – អ្នកផ្សព្វផ្សាយកំពុងផ្សព្វផ្សាយផលិតផលថ្មីនៅផ្សារទំនើប។
១៣. អ្នកនយោបាយ – អ្នកនយោបាយបានចូលរួមប្រជុំជាមួយមហាជននៅទីក្រុងឡូវែល។
១៤. អង្គរក្ស – ចនជាអង្គរក្ស
គាត់បានបំពេញភារកិច្ចការពារបុគ្គលសំខាន់ៗជាច្រើន។
១៥. ចៅហ្វាយខេត្ត – ចៅហ្វាយខេត្តបានដឹកនាំការអភិវឌ្ឍន៍ក្នុងខេត្តដែលគាត់គ្រប់គ្រង។
១៦. ចៅហ្វាយក្រុង – ចៅហ្វាយក្រុងឡូវែលបានសម្ពោធគម្រោងអភិវឌ្ឍថ្មីនៅទីក្រុងនេះ។
១៧. មេឃុំ – មេឃុំបានជួបជាមួយប្រជាពលរដ្ឋដើម្បីដោះស្រាយបញ្ហាផ្លូវថ្នល់។
១៨. សាស្រ្តាចារ្យ – លោកសាស្រ្តាចារ្យនឹងបង្រៀនមុខវិជ្ជាភាសាខ្មែរនៅឆមាសក្រោយ។
១៩. សាកលវិទ្យាធិការ – លោកសាកលវិទ្យាធិការបានជួបប្រជុំជាមួយគ្រូបង្រៀនទាំងអស់ ដើម្បីលើកគម្រោងសម្រាប់ឆ្នាំសិក្សាថ្មី។
២០. ព្រឹទ្ធបុរស – ព្រឹទ្ធបុរសបានផ្ដល់យោបល់រួចហើយអំពីមុខវិជ្ជាវិទ្យាសាស្រ្តក្នុងកិច្ចប្រជុំម្សិលម៉ិញ។
No comments:
Post a Comment