ចន សួស្ដី!
បូណា ជម្រាបសួរ
ចន។
ចន តើបងសុខសប្បាយទេ?
បូណា ខ្ញុំសុខសប្បាយទេ។
អរគុណ។ សូមស្វាគមន៍ដែលបានមក
ទីក្រុងភ្នំពេញ និងមកលេងផ្ទះរបស់ខ្ញុំ។
ចន ខ្ញុំពិតជារំភើបណាស់
ដែលបានបងលេងស្រុកខ្មែរ។
បូណា ខ្ញុំក៏រីករាយដែរ
ដែលបានជួបបង។ តើបងចូលចិត្ត
ប្រទេសកម្ពុជាទេ?
ចន បាទ
ខ្ញុំចូលចិត្តប្រទេសខ្មែរណាស់ ពិសេសចូលចិត្តទេសភាព
វាលស្រែ ចូលចិត្តម្ហូបនៅតាមជនបទ
និងចូលចិត្តដើរកម្សាន្ត
តាមប្រាសាទបុរាណ។
បូណា សូមអញ្ជើញចូលលេងក្នុងផ្ទះសិន។
ចន អរគុណច្រើន។
ផ្ទះបងស្អាត ទូលាយ រៀបចំបានល្អ។
បូណា អរគុណ
ដែលបងចូលចិត្តការរៀបចំផ្ទះរបស់ខ្ញុំ តែប្រពន្ធខ្ញុំ
ជាអ្នកធ្វើទាំងអស់ហ្នឹង។
ចន ភរិយាបងពូកែរៀបចំផ្ទះសម្បែងណាស់។
ថ្ងៃណាមួយខ្ញុំនឹង
អញ្ជើញបង និងបងស្រី ទៅលេងប្រទេសខ្ញុំម្ដង។
បូណា បាទអរគុណ
សង្ឃឹមថានឹងបានទៅលេងប្រទេសបងម្ដង
នៅថ្ងៃណាមួយ។ អញ្ជើញពិសារទឹកដូង។
ដូងនេះខ្ញុំបេះ
នៅហ្នឹងទេ។
ចន ទឹកដូងនេះផ្អែម
ហើយមានក្លិនក្រអូបទៀត ខ្ញុំមិនដែលបាន
ញ៉ាំទេពីមុនមក។
បូណា នេះជាពូជដូងក្រអូប។
ចន ពិសេសមែនទែន។
បើមាននៅប្រទេសខ្ញុំ ខ្ញុំនឹងទិញរាល់ថ្ងៃ។
បូណា ខ្ញុំមានពីរបីទៀតសម្រាប់បងយកទៅញ៉ាំនៅសណ្ឋាគារ។
ចន អរគុណដែលបងមានសណ្ដានចិត្តល្អ។
បូណា មិនអីទេ។
ផ្ទះខ្ញុំមានដូងក្រអូបច្រើនណាស់ បងអាចមក
ញ៉ាំពេលណាក៏បាន។
ចន បាទ អរគុណ
ថ្ងៃក្រោយខ្ញុំនឹងមកលេងទៀត។ ជម្រាបលា។
បូណា ជម្រាបលា។