បន្ទប់គេង Bedroom

 Read and translate the sentences below.

១ នៅក្នុងបន្ទប់គេងរបស់ខ្ញុំមានកញ្ចក់ឆ្លុះមុខធំមួយ និងតូចមួយ។

២ នៅក្នុងបន្ទប់គេងរបស់ខ្ញុំមានទូសំអាងតូចមួយ សម្រាប់ដាក់ម្សៅលាបមុខ និងទឹកអប់។

៣ មានទឹកអប់ចំនួនប្រាំដបនៅក្នុងថតទូសំអាងរបស់ខ្ញុំ។

៤ នៅក្នុងទូខោអាវរបស់ខ្ញុំពុំមានសៀវភៅទេ។

៥ ខ្ញុំបានដាក់វាំងននពណ៌ផ្កាឈូកនៅក្នុងបន្ទប់គេងរបស់ខ្ញុំ។

៦ ប៉ារបស់ខ្ញុំទើបតែប្ដូររនាំងបង្អួចបន្ទប់ទទួលភ្ញៀវ។

៧ មានរូបថតប៉ា ម៉ាក់ និងប្អូនៗខ្ញុំតាំងនៅក្នុងបន្ទប់គេងរបស់ខ្ញុំ។

៨ គ្រែរបស់ខ្ញុំធំអាចគេងមានគ្នាពីរបីនាក់។

៩ ខ្នើយរបស់ខ្ញុំទន់ជាងខ្នើយរបស់ម៉ាក់។

១០ ខ្ញុំចូលចិត្តស្រោមខ្នើយរូបខ្លាឃ្មុំផែនដា។

១១ កម្រាលពូករបស់ខ្ញុំមិនជាប់ធូលី​ហើយងាយសម្អាតណាស់។

១២ នៅរដូវរងាខ្ញុំដណ្ដប់ភួយក្រាស់ៗ។

១៣ នៅលើក្បាលគ្រែរបស់ខ្ញុំមិនមានកន្លែងសម្រាប់សាកទូរស័ព្ទទេ។

១៤ ខ្ញុំឈប់ប្រើនាឡិការោទិ៍ហើយ ព្រោះវារំខានដំណេករបស់ខ្ញុំណាស់។

១៥ សព្វថ្ងៃគេនិយមប្រើអំពូលភ្លើងលីត ព្រោះវាស៊ីភ្លើងតិច ហើយភ្លឺខ្លាំង។

១៦ នៅក្នុងបន្ទប់គេងរបស់ខ្ញុំមានកុងតាក់ភ្លើងដល់ទៅបី។

១៧ ឌុយភ្លើងនៅក្នុងបន្ទប់គេងរបស់ខ្ញុំសុទ្ធតែថ្មីទាំងអស់។

១៨ នៅក្បែរគ្រែគេងរបស់ខ្ញុំមានកូនតុតូចមួយសម្រាប់ដាក់ទូរស័ព្ទ។

១៩ សម័យឥឡូវគេមិននិយមប្រើកម្រាលពូកមានជាយទេ។

២០ នៅក្នុងបន្ទប់គេងរបស់ខ្ញុំមិនមានកក្រាលព្រំទេ។

២១ នៅឯបន្ទប់បាយមានកម្រាលឥដ្ឋពណ៌ប្រផេះ។

២២ សព្វថ្ងៃពូកថ្លៃជាងមុនច្រើនណាស់។

២៣ បូណាមិនបានទិញទ្រនាប់ពូកទេ យើងត្រូវទៅផ្សារម្ដងទៀត។