សួនច្បារមាត់ទន្លេ

តារា        នៅមាត់ទន្លេល្ងាចនេះមនុស្សអ៊ូអរណាស់

               អាកាសធាតុល្អ ខ្យល់បក់ត្រជាក់ល្មម។

               តោះបុស្បារកកន្លែងអង្គុយ។

បុស្បា      តារាចង់អង្គុយនៅឯណា?

តារា        កន្លែងណាក៏បាន។

បុស្បា      ចង់អង្គុយលើកន្ទេល ឬរកតុកៅអី?

តារា        រកតុកៅអីអង្គុយទៅចឹង។

បុស្បា      នោះ នៅកន្លែងលក់ទឹកអំពៅ នៅសល់កៅអីបីបួនដែរ។

តារា        តោះយើង ទៅញ៉ាំទឹកអំពៅ។

អ្នកលក់    ក្មួយមក ញ៉ាំទឹកអំពៅសិន។

បុស្បា      ចាសមីង ដាក់អោយខ្ញុំម្នាក់មួយកែវមក។

អ្នកលក់    ក្មួយចង់បានកែវធំ ឬតូច?

តារា        ដាក់អាធំអោយខ្ញុំមក ហើយដាក់ទឹកកកផងមីង។

បុស្បា      ខ្ញុំកែវតូចបានហើយមីង។

អ្នកលក់    ក្មួយយកទឹកកកទេ?

បុស្បា      ចាស ដាក់បន្តិចបានហើយ។

អ្នកលក់    នេះទឹកអំពៅក្មួយ។ ក្មួយចង់ញ៉ាំពងទាកូនទេ។

តារា        ដាក់អោយខ្ញុំពីរបីគ្រាប់មកមីង។

បុស្បា      តែខ្ញុំចង់បាននំកញ្ឆាយវិញ។

អ្នកលក់    ក្មួយយកនំប៉ុន្មានដុំដែរ?

បុស្បា      ចាស តែពីរបានហើយមីង។

អ្នកលក់    ចាំបន្តិចសិនណា មីងចៀនអោយក្រៀមបន្ដិចសិន។

បុស្បា      មិនអីទេ តាមសម្រួលណាមីង។

តារា        ពងទាកូន មីងមានអាកូនធំជាងហ្នឹងទេ?

អ្នកលក់    មានក្មួយ    ចាំមីងដាក់អោយ។

បុស្បា      នំកញ្ឆាយនេះឆ្ងាញ់ណាស់ តារាចង់សាកទេ?

តារា        បាទ ចង់សាកដែរ មីងដាក់អោយខ្ញុំពីរដុំផង។

អ្នកលក់    ចាសក្មួយ។

បុស្បា      ខានមកលេងមាត់ទន្លេយូរដែរហើយ

               ឥឡូវស្អាតជាងមុនច្រើន។

តារា        ពេលញ៉ាំហើយ បុស្បាចង់ទៅជិះទូកលេងទេ?

បុស្បា      ទៅក៏ទៅ។ មីងគិតលុយ។

អ្នកលក់    ទាំងអស់៥០០០០រៀលក្មួយ។

តារា        ទុកអោយខ្ញុំជាអ្នកប៉ាវចុះថ្ងៃនេះ។

បុស្បា      អរគុណច្រើនណាស់តារា នាំខ្ញុំដើរលេងហើយ

               ចេញលុយអោយទៀត។

តារា        មិនអីទេ បុស្បាក៏ធ្លាប់ប៉ាវខ្ញុំដែរតើ។

បុស្បា      តោះយើងទៅជិះទូក។

អ្នកលក់    ពេលក្រោយកុំភ្លេចមកកន្លែងមីងទៀតណា។

បុស្បា      ចាស មីង។ ខ្ញុំលាសិនហើយ។

អ្នកលក់    សំណាងល្អណាក្មួយ។

នៅកន្លែងដូរលុយ

អ្នកដូរលុយ        ត្រូវការដូរលុយទេបង?

ចន                  បាទ! ខ្ញុំចង់ដូរ គិតម៉េចដែរ?

អ្នកដូរលុយ       ១ដុល្លារប្ដូរបាន៤២០០រៀល។

ចន                ម្សិលមិញខ្ញុំដូរបានដល់ទៅ៤២២០រៀល

                       ម៉េចក៏ថ្ងៃនេះថោកជាងអីចឹង?

អ្នកដូរលុយ       ម្សិលមិញបានប៉ុណ្ណឹងមែន តែថ្ងៃនេះមិនបានទេ

                       ព្រោះហាងឆេងប្ដូរលុយឡើងចុះមិនទៀង

                       ទេណាបង។

ចន                  អីចឹងដូរអោយខ្ញុំ១០០មក។

អ្នកដូរលុយ        បាទ នេះលុយ។

ចន                  គ្រប់ចំនួនទេ?

អ្នកដូរលុយ         បាទធានាថាគ្រប់ តែបើបងមិនជឿទេ អាចរាប់

                       ខ្លួនឯងទៀតទៅ។

ចន                  ទាំងអស់ប៉ុន្មានដែរបង?

អ្នកដូរលុយ         ទាំងអស់មានចំនួន៤២០០០០។

ចន                  ខ្ញុំសុំដូរយកក្រដាសធំជាងនេះបានទេ។

អ្នកដូរលុយ        បងចង់បានក្រដាសប៉ុន្មាន?

ចន                  យកក្រដាស៥០០០០បានទេ?

អ្នកដូរលុយ         បាទ ពិតជាបាន។ នេះលុយ។

ចន                  បាទអរគុណណាស់បង។

អ្នកដូរលុយ         អរគុណបង។ សុខសប្បាយ។ ថ្ងៃក្រោយកុំភ្លេច

                       មកដូរលុយនឹងខ្ញុំទៀតណា។

ចន                  បាទ ពេលក្រោយខ្ញុំនឹងមកកន្លែងបងទៀត។

ការជួបគ្នាដំបូង

ចន          សួស្ដីបង! ខ្ញុំឈ្មោះចន។

តារា         បាទ សួស្ដី! បងមានការអីដែរ?

ចន          ខ្ញុំសុំសួរមួយ។ តើផ្លូវណាទៅផ្សាថ្មី?

តារា        ផ្សារថ្មីនៅខាងមុខ តែបងត្រូវដើរទៅត្រង់ បន្ទាប់មក

               បត់ខាងស្ដាំ រួចដើរប្រហើរប្រាំនាទីនឹងដល់ហើយ។

ចន          ចុះពីនេះទៅផ្សារទូលទំពូងឆ្ងាយទេ?​

តារា        បើទៅផ្សារទួលទំពូងឆ្ងាយគួរសម បងគួរតែរកតុកៗ

               ជិះវិញល្អជាង។

ចន          ខ្ញុំចង់ទិញវត្ថុអនុស្សាវរីយ៍យកទៅស្រុកអាមេរិក

               តើខ្ញុំគួរទៅទិញនៅផ្សារណាដែរ?

តារា         បើចង់បានបវត្ថុអនុស្សវរីយ៍ បងទៅទិញនៅផ្សារ

               ទួលទំពូងល្អជាង ព្រោះនៅទីនោះសំបូរណាស់

               តែចំពោះតម្លៃវិញ ខ្ញុំអត់ដឹងទេ។ និយាយអីចឹង បង

               ជាជនជាតិអាមេរិកាំងឬ?

ចន          បាទខ្ញុំជាជនជាតិអាមេរិកាំង។

តារា        បងចេះនិយាយភាសាខ្មែរបានល្អណាស់។

ចន          ខ្ញុំរៀនភាសាខ្មែរតាំងពីនៅវិទ្យាល័យម្ល៉េះ ហើយ

               សព្វថ្ងៃក៏ខ្ញុំនៅរៀនដែរ។

តារា        សូមសរសើរ ដែលបងចូលចិត្តរៀនភាសាខ្មែរ។

ចន          ខ្ញុំចូលចិត្តវប្បធម៌ខ្មែរណាស់ ចូលចិត្តញ៉ាំម្ហូបខ្មែរ

               ពិសេសនំបញ្ចុក និងបាញ់ឆែវ។

តារា        ខ្ញុំឈ្មោះតារា រីករាយដែលបានស្គាល់បង។

ចន          បាទអរគុណបងតារា ដែលបានបង្ហាញផ្លូវខ្ញុំ។

តារា         សូមបងជួបតែនឹងសេចក្ដីសុខ និងមានសំណាងល្អ។

ចន          បាទបង សូមអោយមានសំណាងល្អដូចគ្នា។

សួរសុខទុក្ខ

ធីតា​         សួស្ដីតារា

 

តារា         បាទ​សួស្ដីធីតា។ ឯងសុខសប្បាយជាទេ?

 

ធីតា         ចាស ខ្ញុំសុខជាទេ។ ចុះឯងវិញ ខានជួបគ្នាមួយរយ:នេះ

 

               សុខទុក្ខយ៉ាងណាហើយ? 

 

តារា         សុខធម្មតាទេធីតា ហើយចុះប៉ាម៉ាក់ និងប្អូនៗ

 

               ពួកគាត់យ៉ាងម៉េចហើយ?

 

ធីតា         ពួកគាត់ក៏មិនអីដែរ ចាំថ្ងៃណាមានពេលទំនេរ

 

               ទៅលេងផ្ទះគ្នាផង។

 

តារា         បានតើ ខ្ញុំនឹកពូមីងដែរ ខានជួបពួកគាត់យូរ។

 

ធីតា         ប៉ាម៉ាក់សួរពីតារាឯងរហូតហ្នឹង គាត់ថាបាត់យូរមិន

 

               ដែលឃើញមកលេង។

 

តារា         ជម្រាបពូមីងផង ខែក្រោយខ្ញុំទំនេរប៉ុន្មានថ្ងៃដែរ

 

               ខ្ញុំនឹងទៅសួរសុខទុក្ខពួកគាត់។

 

ធីតា         តាមសម្រួលណាតារា ពេលណាក៏បានដែរ។

 

               ចុះអ៊ុំប្រុស អ៊ុំស្រី​គាត់សុខសប្បាយជាទេ ការរស់នៅ

 

               ប្រទេសគេ ម៉េចដែរ?

 

តារា         ប៉ាទារមកស្រុកវិញរហូត គាត់មិនចេះនៅស្រុកគេទេ។

 

ធីតា         ហើយចុះអ៊ំស្រីវិញ?

 

តារា         ម៉ាក់ក៏អីចឹង គាត់ថានៅស្រុកគេអផ្សុក ចង់តែត្រលប់

 

               មកស្រុកយើងវិញ ម្យ៉ាងស្រុកគេត្រជាក់ ពួកគាត់មិន

 

               ចេះនៅទេ។

 

ធីតា         ពួកគាត់មានទម្លាប់នៅស្រុកយើងយូរហើយ ដល់ទៅ

 

               ស្រុកគេពិតជាមានអារម្មណ៍កណ្ដោចកណ្ដែងមិនខាន។

 

តារា         នៅស្រុកគេមិនសូវមានខ្មែររស់នៅ មិនមានវត្តអារាម

 

               មិនមានផ្សារ មិនមានភោជនីយដ្ឋានខ្មែរ មិនចេះបើក

 

               ឡាន ចង់ទៅណាមកណាទាល់តែមានអ្នកជូន ស្ដាប់

 

               គាត់រៀបរាប់ទៅ ពិបាកមែន។

 

ធីតា         ហើយចុះតារាឯងកាលណាបានទៅនៅស្រុកគេដែរ?

 

តារា         ទៅអាមេរិក មិនមែនងាយស្រួលដូចទៅលេងអង្គរទេ

 

               បែបបទក្នុងការធានាស្មុគស្មាញណាស់ ប្រហែលយូរ

 

               ឆ្នាំទៀតមើលទៅ។

 

ធីតា         តារាឯងទៅក៏ល្អ បានជួយមើលថែអ៊ំផង។

 

តារា         តែខ្ញុំចង់នៅស្រុកយើងជាង។

 

ធីតា         មានតែទុកអោយព្រហ្មលិខិតជាអ្នកកំណត់ហើយចឹង។

 

តារា         ខ្ញុំដល់ម៉ោងទៅហាត់ប្រាណហើយ។ ថ្ងៃក្រោផយជួប

 

               គ្នាទៀត។

 

ធីតា         សំណាងល្អ។