ក្របីស្រុក និងក្របីព្រៃ

 

    កាលពីព្រេងនាយមានក្របីពីរក្បាល​​  មួយជាក្របីស្រុក​​​  មួយទៀតជាក្របីព្រៃ។  ថ្វីត្បិតសត្វទាំងពីរមានឈ្មោះខុសគ្នាក៏ដោយ  តែវាស្រលាញ់គ្នាណាស់  វាតែងតែដើររកស៊ីជាមួយគ្នាជានិច្ច។  ទន្សាយឃើញដូចនេះក៏រកឧបាយកលបំបែក។  ថ្ងៃមួយវាដើរមករកក្របីទាំងពីរ  និយាយថា៖  

នែ!  បងក្របីទាំងពីរ!  ចូរបងកុំរស់នៅជាមួយគ្នាប្រយ័ត្នមនុស្សឃើញ  ចាប់បងទាំងពីរយកទៅប្រើប្រាស់មិនខាន។ ក្របីព្រៃភ័យ  ខ្លាចមានគ្រោះថ្នាក់ដូចពាក្យទន្សយក៏សុំរ័បកពីក្របីស្រុក  ទៅរកស៊ីទីទៃ។  ក្នុងការបែកគ្នានេះ  សត្វទាំងពីរតែងនឹកអាល័យ ដល់គ្នាជានិច្ច។  លុះឃា្លតយូរៗទៅ  ក្របីទាំងពីរក៏ភេ្លចគ្នាឈឹង។  ទន្សាយដឹងថាមិត្តទាំងពីរ  ភ្លេចគ្នាហើយ  ក៏ដើររកក្របីព្រៃ  ហើយនិយាយប្រាប់ក្របីព្រៃថា៖

នែ​!​  បងក្របីព្រៃ!  ខ្ញុំជួបក្របីមួយ  អួតថាខ្លាំងពូកែណាស់  ចងរកគូរជល់ល្បងបឬទ្ធិគ្នា។  តើបងហ៊ានជល់ជាមួយគេទេ?  ក្របីព្រៃខឹងតូង  ឆ្លើយថា៖

យើ​ !  ក្រោមមេឃលើដី  មានក្របីណាខ្លាំងប្រហែលខ្ញុំ។  ឥឡូវមានក្របីព្រហើន អួតថាគ្រាន់បើ!  ចូរបងទន្សាយហៅវាមកល្បងឫទ្ធិនឹងខ្ញុំមើល!  ទន្សាយបានដៃក៏រត់វឹង  ទៅប្រាប់ក្របីស្រុក៖

អឺ បងក្រពីស្រក!  ក្របីព្រៃខឹងនឹងបងខ្លាំងណាស់  តេអោយខ្ញុំហៅបងទៅជួបប្រលងឬទ្ធិគ្នា។  ក្របីស្រុកអោយទន្សាយជិះលើខ្នង  ជូនទៅជួបក្របីព្រៃ។  ដល់ភ្លាមក្របីព្រៃស្ទុះភ្លែតវ័ធក្របីស្រកយ៉ាងសាហាវ។

ក្របីទាំងពីរប្រយុទ្ធគ្នាអស់ពេលយ៉ាងយូរ  មិនឈ្នុះ  មិនចាញ់  ក៏បែកគ្នា  មួយទៅស្រុក  មួយនៅព្រៃលែងជួបគ្នារហូត៕